-- ADVERTISEMENT --

KALIBO, Aklan—Ginkalipay it pila ka mga konsehal it banwa it Kalibo ro suspensiyon it hana nga pagpatuman it re-routing scheme sa banwa it Kalibo.

Suno kay Kalibo Sangguniang Bayan member Augosto Tolentino, eubus nandang ginapasaeamatan ro naging sabat ni Kalibo mayor Emerson Lachica sa haeos sang dominggo nga pagpatuman it dry run kon sa siin dikara nakit-an ro disbentaha it nasambit nga skema partikular sa mga commuters.

Epektibo alas-12:00 it tungang gabi-e it Pebrero 22 hay suspendido eon ro re-routing agud nga taw-an it haega ro parehong drivers ag commuters sa tunga it ginapangatubang nga pandemya tuga it Covid-19.

Suno pa kay Tolentino, paga-istoryahan it uman sa konseho ro mga dapat nga himuon sa implementasyon kara kon magtawhay eon ro sitwasyon.

Ginpamatian sigon it lokal nga gobyerno it Kalibo ro mga hinaing it tanan partikular sa mahae nga pamasahe bangud nga kinahang-ean it mga raya nga magdouble ride.

-- ADVERTISEMENT --

Nakit-an man suno kana ro negatibong epekto it nasambit nga skema.

Boses ni Kalibo Sangguniang Bayan member Augusto Tolentino