KALIBO, Aklan—Nag-arangkada eon ro sustainable homegrown food project edible garden contest it lokal nga gobyerno it Kalibo matapos ro ginpatigayon nga training ag seminar.
Sa kamatuoran suno kay Adorada Reynaldo, public services officer 3 it LGU Kalibo nga naka-initial site visit ag evaluation eon ro contest committee ko Mayo 25-31.
Angot kara, nainspire sigon sanda sa 11 ka mga partisipante it communal garden nga ginadumaeahan it mga sangguniang kabataan kon siin nakit-an ro andang effort sa nasambit nga programa ag proyekto.
Samtang, sa home edible garden nga may 31 ka mga partisipante hay may sangka home owner eon nga naka harvest it anang pananom kon siin mabahoe raya nga bulig sa andang kinahang-eanon sa pang adlaw-adlaw.
Sa katapusan nga dominggo it presenteng buean hay ro pangaywa nga evaluation it komitiba ag sa buean it Hulyo ro pag-anunsyo sa mga nagdaeaog.
Nasayuran nga mag-euwas sa pagpasiguro it food security ag nutrition sufficiency, tuyo it proyekto nga magiyahan ro mga pumueoyo sa tama nga pagpilak it basura kamana man mapukaw ro interes it mga pamatan-on angot sa pagpananom.
