KALIBO, Aklan–Eubusan eon nga naghaeuga ro mga restrictions kontra COVID-19 sa Sweden.
Raya hay suno kay Bombo International Correspondent Geraldine Lindberg ag presenteng nagatinir sa nasambit nga nasyon.
Owa eon sigon ginapatuman ro mandatory nga pagsuksok it facemask sa mga pampublikong lugar ag pilang ka mga indoor places, mag-eowas eamang sa mga ospital.
Nakadepende eon lang sigon sa mga pumueuyo kung magasuksok sanda it facemask.
Samtang, 60% paeang sigon sa populasyon it Sweden ro naka-angkon eon it andang bakuna kontra sa COVID-19.
Ginpahayag dugang nga bukon it required kumpara sa Pilipinas ro pagpabakuna sa andang nasyon.
Mag-eowas eamang sigon sa mga senior citizen ag mga nagatrabaho may kaangtanan sa ikamayad nga eawas ro gina-una it gobyerno nga mabakunahan.
