KALIBO,Aklan–Kasunod sa pag-anunsyo ni Taylor Swift it mga petsa it andang record breaking Eras tour sa masunod nga dag-on, ro Youth Leadership Excellence Award (YLEA) Aklan Awardees Network sa idaeom it Junior Chamber International (JCI) Aklan Kalantiao hay magapatigayon it fundraising concert nga gintawag nga Swifties Night.
Ginpaathag nanday John Marlou Salido, 2023 LO President JCI Aklan Kalantiao ag Charl Babali, Vice President it YLEA-Aklan Awardees Network nga ro nasambit nga aktibdad hay kapareho sa fan gathering kon sa siin magakililita ro mga fans ni Taylor Swift sa sangka event.
Mag-eowas sa nagkinasadya eon hay makabulig pa kon sa siin ro andang matipon sa event hay igataeana sa andang Sports Development Project para sa mga estudyante it Aparicio Elementary School sa Brgy. Aparicio sa banwa it Ibajay.
Ro nasambit nga eskwelahan hay maeayo rason nga limitado ro access it mga estudyante sa nagkaeain-eain nga sports equipment.
Ro nasambit nga event hay igapatigayon sa July 1 sa NVC Gymnasium kon sa siin tampok ro mga nagkaeain-eain nga performers.
