-- ADVERTISEMENT --
Dumipensa ro nasuspindeng hepe it Bureau of Corrections nga si Gerald Bantag sa pagbutang it swimming pool sa New Bilibid Prison.
Suno kay Bantag, pagagamiton ro nasambit nga proyekto para sa training it mga tawuhan it NBP sa pagsabat sa sakuna.
Partikular sa scuba diving nga magagamit kung makaangkon it madaeom nga baha.
Ginhalimbawa pa ni Bantag sa anang pahayag ro pagpanaeasa kato it Bagyong Ondoy kat warden pa imaw sa Malabon City Jail, kung siin 200 katawo ro andang naeuwas.
Dugang pa kara nga owa it ginastos ro gobyerno sa swimming pool project bangud ginpondohan raya it kompanyang Atom nga may joint venture sa BuCor.
-- ADVERTISEMENT --
