Nailista it Switzerland ro pinaka-grabe nga snow melt rate halin kat mag-umpisa ro monitoring masobra sang siglo eon ro nagtaliwan.
Nagguwa sa pagtuon nga ginpatigayun it sangka ekspertong grupo sa Swiss Academy of Sciences nga indi magnaba sa 3 cubic kilometers it yelo ro naduea sa Alps bangud sa manaba nga pag-uean it niyebe sa tag-eamig ag padayun nga heat waves sa tag-ilinit.
Nagakahueogan raya nga masobra sa 6% it kaabu it glacier ro naduea.
Ko nagtaliwan nga buean, sambilog pang pagtuon ro nagbulgar nga halin ko unang parte it 1930s, indi magnaba sa 1,400 glacier sa Switzerland ro naduea-an it masobra sa katunga it andang kaabuon.
Samtang, nagguwa man sa pagtuon it Cryospheric Commission (CC) it Swiss Academy of Sciences nga ro natabo sa Alps hay sangka “perfect storm”.
