Ginrekomenda it Philippine National Police–Criminal Investigation and Detection Group (PNP-CIDG) ro pagpasaka it kaso kontra sa nagbuhi nga Ateneo de Manila University men’s basketball team head coach nga si Tab Baldwin ag 10 iba pang miyembro it coaching ag support staff bangud sa pageabag sigon sa Republic Act No. 11053 ukon Anti-Hazing Act.
Angot raya it pagkaeunod it mga players nga sanday Rene Baterbonia ag Divine Adili sa ginpatigayon nga training activity sa Dipaculao, Aurora ku Hunyo 8.
Kaibahan sa mga ginrekomenda nga pasakaan it kaso ro daywang strength and conditioning coach, tatlong assistant coach, daywang student manager, sangka physical therapist, ag daywang utility personnel.
Igapaidaeom ro rekomendasyon sa pag-usisa it Department of Justice para sa case build-up ag preliminary investigation.
Suno sa mga awtoridad, una sa lugar it insidente ro tanan nga 11 tawuhan it koponan kat magtuhaw ro trahedya.
