MALAY, Aklan – Binaliskad it Korte Suprema ro desisyon it Regional Trial Court Kalibo ag Court of Appeals Cebu kun siin ginapamatud-an nga legal sigon ro pagdevelop sa lugar nga ginakahimtangan it West Cove Boracay eain sa pahayag Local Government Unit it Malay nga No Bill Zone ro lugar apang nagbaton sanda it Flag T it Department of Natural Resources ag sanda man hay nagabayad.
Suno kay Crisostomo Aquino ro tag-ana it West Cove Boracay, nga kat ginsunog ag gub-on ro andang propiedad hay bayad pata sanda it tatlong dag-on.
Nakabaton man sana it closure bangud nga uwa sanda it permit ag ro show cause sa DENR hay andang gin-ayos.
Dag-ong 2011 sigon hay ginwasak eun ro nasambitan nga resort bangud man sa pressure ni Ted Failon ku mga panahon ngato ag kun matandaan hay natituluhan man ro eugta ag nagabayad sanda it eugta.
Panindugan nana nga sanda hay legal apang sanda pa ro ginadiin, kun siin nga gin-ipit sanda it magmanghod nga sanday Rowen Aguirre ag Nenette Graf.
Mag-euwas sa pagguba hay ginsunog, gin-utdan ku supply it tubi ag kuryente ag ginpaguwa ro andang mga tawo.
Sa makaron uwa man sigon napatuman ro boardwalk ag may mga building sa 15 meters nga left and right main road.
Paathag nana nga ro andang mga gamit hay una man sa sangka kapitan sa Brgy. Yapak ag uwa pa sanda ginabayran it insurance nga sa makaron hay andang ginapakigsukoe sa korte.
Ginpaayos man ni Aquino ro sangka beach sa lugar agud nga indi mawad-an it pangabuhian ro mga tawo.
Plano man nana nga magbalik ro anang resort apang bukon pa it sa makaron bangud nga sagad pa sigon imaw.
Pabutyag nana nga ginpag-initan man sigon ro mga legal nga negosyo ku 2018.
Samtang, naagabot sigon ro income it Boracay it haeos P53 billion bilang amot kada dag-on sa turismo apang uwa sigon it mahimo kun raya hay ginasamaran it media sa guwa ngani nga indi eun man kinahangean nga isueod ro mga POGOs.
