Ginpasiguro ni President Lai Ching-te nga inde mag-eohod ro Taiwan sa China sa pihak it padayon nga ginahimo kara nga harassment.
Gin-insister it bag-ong presidente it Taiwan nga ipakigsukoe it mga pumueoyo ro kahilwayan ag kinamatarong kara sa pihak it pagpasilabot it China.
Suno kay Lai, sa pihak it panggipit it militar it China hay gumamit pa ro nasambit nga nasyon it mga ‘non-traditional’ nga pamaagi para eamang piliton ro Taiwan nga mag-eohod ag isurender ro kahilwayan.
Apang, nagpanindugan ro bag-ong presidente it Taiwan nga ipadayon kara ro pagprotekta sa teritoryo ag sovereignty it nasambit nga estado.
Madumduman nga pilang adlaw matapos magdaog si Lai bilang bag-ong presidente it Taiwan hay nagpatigayon ro China it war games sa Taiwan Strait kon sa siin ginpadaea kara ro mga gamit pang gyera sa nasambit nga lugar, pilang milya eamang ro kaeayuon halin sa bi-bi it baybayon it Taiwan.
Suno sa China, ginhimo nanda ro war games bilang penalidad sa naging inaugural speech ni President Lai.
