KALIBO, Aklan—Tunga ro reaksyon ag opinyon it mga Taiwanese sa tensyon nga nagapatunga makaron sa nasyon it Taiwan ag China.
Suno kay Bombo International Correspondent Marife Reloj-Tulio it Taoyuan City, Taiwan nga may mga negosyante ag iba pang pumueoyo nga ginapaboran ro China bangud sa mga bati-bati nga base bumagsak ro ekonomiya it Taiwan ag ro China makaron ro mabaskog.
Apang, ginakontra man raya it iba pang Taiwanese bangud nga mabahoe ro andang pagsalig sa gobyerno nga mapabaskog ro kita ag magaeapad pa ro koneksyon it nagkaeain-eain nga sektor.
Para mat-a sa mga OFW’s sa nasambit nga nasyon hay padayon sanda nga magatrabaho bangud nga nagapabilin nga normal ro andang sitwasyon idto.
Ginpahayag dugang ni Tulio nga haeos tanan nga tawo sa nasambit nga nasyon hay masako sa andang pagpangabuhi ag uwa eon it oras para magpamati ukon magbasa manlang it balita.
Suno pa kana nga ginabaliwala eamang nanda ro mga balita angot sa tensyon it daywang nasyon ag uwa it anumang mga pagpahaom nga ginahimo maskin nga ro gobyerno it mga kaeapit nga nasyon hay nag-abiso eon sa andang mga pumueoyo nga maging alerto ag haom sa tanan nga oras.
