KALIBO, Aklan—Ro pagkaon hay kapareho it bueong nga indi dapat balewalaon.
Raya ro naging pahayag ni Dr. Queenie Samonte, sangka internist ag endocrinologist kasunod it pagselebrar it Nutrion Month and diabetes awareness month kung sa siin gintaw-an kara it punto ro impotansiya it tamang pag-diet agud nga makalikaw sa nagkaeain eain nga sakit partikular eun ro diabetes.
Ro sakit nga diabetes hay masami nga naging problema it mga Pilipino kung mag-edad it 40 anyos pataas, apang pwedi man sa gihapon karang tamaan ro mga teenager ukon mga pamatan-on.
Pwedi nga maangkon it sangka indibidwal ro sakit nga diabetes pamaagi sa saea nga lifestyle ukon namana.
Makahaeadlok ro problema nga daea kara kung sa siin pweding magresulta it pagkabulag, pagpaya it bato ukon kidney sa pagsaea it hingko sa eawas , mga komplikasyon sa nerves ag tagipusuon, ag ro pinaka-grabe hay ro maputuean it siki ukon paa.
Nasayuran nga pweding maaangkon it sangka tawo ro diabetes kung indi eun masarangan it anang eawas nga magpaguwa it insulin ukon owa raya nagagamit sa tama.
