BUSINESS News–Ginpadumdum it Department of Labor and Employment ro mga private firms nga itau ro nagakabagay nga sweldo sa mga trabahante nga magasueod makaron nga adlaw it Lunes, June 12, Independence Day.
Nakabaehag sa Labor Advisory no. 13, series of 2023 nga gin-isyu ni Labor Secretary Bienvenido Laguesma, nga kun indi magasueod ro mga empleyado makaron nga adlaw, kinahangean gihapon sanda nga mabayaran it 100% it andang sweldo.
200% ukon dobleng sweldo man ro mabaton it mga empleyadong magasueod sa andang duty ag magatrabaho sa sueod it regular nga 8 hrs.
Kun nagtrabaho ro sangka empleyado makaron nga adlaw, ag natiempo pa nga rest day, may una pang 30% nga maidugang sa 200% nga anang mabaton halin sa kumpanya.
Kun maga-overtime man ro empleyado sa raya nga adlaw, ag natiempo nga rest day pa gid, maging ro hourly rate hay kinahangean man nga i-multiply sa 200% it sweldo, kaibahan ro 30% rate sa anang rest day, ag kun pilang oras raya nga nagtrabaho.
Makaron nga adlaw it Lunes hay ro selebrasyon it ika-125 nga anibersaryo it Araw ng Kalayaan it nasyon.