National News—Gin-aprubahan eon ni Pangueong Rodrigo Duterte kabi-i, Disyembre 22, 2020 ro temporary suspension sa tanan nga flights halin United Kingdom (UK) umpisa hin-aga, Disyembre 24 hasta Disyembre 31, 2020.
Ginpahayag ni Presidential Spokesman Harry Roque, base sa Resolution 90 it Inter-Agency Task Force for the Management of the Emerging Infectious Diseases (IATF), tanan nga mga pasahero nga sa UK sa sueod it 14 diyas ag magadireto sa Pilipinas, maging ro mga in transit ukon lay-over eamang hay bawae magsueod sa nasyon sa sueod it nasambit nga period.
Apang, ro mga pasahero halin UK nga maga-abot sa Pilipinas antes ro 12:01 AM it Disyembre 24 hay bukon it sakop it entry restriction, sa baylo hay ginakinahang-ean eang nanda nga magpaidaeom sa mas mahugut nga quarantine ag testing protocols.
Kaibahan sa mga protocols ro pagpaidaeom sa 14-day quarantine period sa Athlete’s Village sa New Clark City maskin pa negatibo ro resulta sa RT-PCR ukon swab test.
Samtang, ro mga outbound travel paadto it UK hay subject sa naga-iral nga exit protocols it Pilipinas ag United Kingdom.
