KALIBO, Aklan—Nagpirma it sangka confidentially agreement ro tanan nga mga gobernador sa Western Visayas.
Raya hay agud nga makapag-pareserve it mga bakuna kontra sa COVID-19 nga maghalin sa mga kompanyang Astrazeneca it United Kingdom ag Novovac it India.
Suno kay Aklan Governor Florencio Miraflores nga ro nasambitan nga tikang it mga gobernador hay agud nga indi eamang magsalig sa national government ro lokal nga gobyerno agud mabakunahan ro andang mga residente nga ro pagataw-an it prayoridad hay ro mga frontliners.
Ginklaro dugang it gobernador nga sa makarun hay nakapagpa-reserve eun ro probinsya it bakuna maghalin sa kompanyang Astrazeneca.
Apang engkasong makabakae eun it bakuna hay una sigon nga pagataw-an it prayoridad sa bakuna ro mga trabahador sa isla it Boracay.
Target man nga mabuksan eun ro ekonomiya sa Boracay engkasong mabakunahan eun ro tanan nga una sa tourism industry.
Nasayuran nga gin-aprubahan eun it Sangguniang Panlalawigan ro budget nga kapin sa P200 milyon maghalin sa credit line it probinsya agud nga igataeana sa pagbakae it COVID-19 vaccine sa probinsya.
