KALIBO, Aklan — Plano makaron it Department of Environment and Natural Resources (DENR) nga kanselahon ro Environmental Compliance Certificate (ECC) it tanan nga mga naga panag iya it establisimento sa isla it Boracay.
Raya ro gin pahayag ni Environment Secretary Roy Cimatu sa graduation ceremony it 243 nga candidate soldiers it 3rd Infantry Division it Philippine Army sa Jamindan, Capiz.
Kaibahan ro mga nasambitan nga graduates sa tropa it gobyerno nga nagbulig sa rehabilitation efforts sa Boracay.
Tinotuyo sigon it nasambitan nga tikang nga masigurong environmental law compliant ro tanan nga mga establishment owners ag makadunghan sa uman nga pagbukas t isla sa Oktubre 26.
Gin pamilit it sekretaryo nga bago pasugtan ro naga panag iya it establisimento nga maka-operate, kinahangean anay nga magbo-oe it business permit sa LGU-Malay ag accreditation maghalin sa Department of Tourism (DOT) mag eowas pa sa bag-ong isyung ECC.
May nabilin nga inadlaw pa sigon ro mga negosyante bago ro reopening agud asikasuhon ro tanan nga mga kinahangeanong papeles.
Plano it DENR nga i-anunsyo ro bag-ong patakaran sa pagahiwatong Boracay stakeholders meeting sa madason nga dominggo.
