Kalibo Aklan ——–Nagtau it paandam sa publiko si Tangalan Mayor Gary Fuentes matapos nga sangkiri nga mabiktima it modus ro sambilog sa anang staff nga nagapangayo sigon it load gamit ro pangaean ni Police Colonel Esmeraldo Osia, Jr., Provincial Director it Aklan Police Provincial Office.
Suno kay Mayor Fuentes nga sa mayad nga swerte ag nakapag-verify anay imaw kay Col. Osia bangud sa makadueuda nga pagkatawo it caller .
Masyado sigon nga demanding ro suspek ag nagamadali nga maka-istorya kara ro alkalde kabaliskaran sa ugali it Provincial Director nga masyadong matawhay ag kalmado .
Samtang , gindugang pa kara nga bukon sigon it si Col. Osia ro sa likod it tawag nga nabaton it anang opisina bangud nga bukon it batasan kara nga magpangayo it pabor .
Dugang pa nga may numero sanda sa kada isaea.
