KALIBO, Aklan — Kumpiyansa ro Department of Trade and Industry ukon DTI-Aklan nga ro 61 nga micro, small and medium enterprises ukon MSMEs exhibitors sa makaron nga dag-on nga Aklan Product Exposition hay maabot ro target income nga P8.5 million umpisa sa Oktubre 7 hasta 13.
Suno kay Ma. Carmen Ituralde, OIC provincial director it DTI-Aklan nga ro nasambit nga marketing event hay dag-unan nanda nga ginapatigayon sa SM City Iloilo event center nga kon sa siin hay pang-17 eon makaron nga dag-on.
Ginpahayag ni Ituralde nga ro target sale makaron nga dag-on hay mas mataas kumpara ko dag-on 2018 nga kumita it naga-abot-abot sa P8 million.
Iga-highlight sa product expo makaron ro mga may mataas nga kalidad nga fashion wearables ag housewares nga himo sa sikat nga piña ag abaca it Aklan.
Iga-exhibit man kara ro export quality nga meat ag bakery goods kamana man ro iba pang tourism-related products ag serbisyo.
Tuyo it dag-unan nga marketing event nga mapa-eapad pa ro maabutan it produkto it mga MSMEs it Aklan paagto sa regional market sa Iloilo ag kaiping nga mga probinsiya.
