Kalibo Aklan —– Ginasuhestyon makaron it kaabuan nga miyembro it Task Force Against COVID-19 nga paeawigon pa ro naga-iral nga Enhanced Community Quarantine sa bilog nga probinsya it Aklan.
Suno kay Terrence Jun Toriano it Municipal Disaster Risk Reduction Management Council (MDRRMC) Kalibo, gina-anticipate nanda nga kon matapos ro lockdown sa Abril 14 hay mabalik gilayon sa dating gawi ro mga tawo bangud nga magabalik eon man sa normal ro tanan.
Bangud kara, posible sigon ro madasig nga pagtaas it kaso it coronavirus disease (COVID-19) pandemic.
Ginsuhestyon sigon nanda nga kon inde pa masiguro nga eowas sa makamaeatay nga virus ro bilog nga probinsya hay taw-an pa it extension ro community quarantine.
Mag-eowas kara, igapatuman man sa tanan nga publiko ro pagsuksok it face mask kon magguwa ro mga raya it tagsa nanda ka panimaeay.
Sa makaron hay nakalista eon it tatlong kumpirmadong kaso it nasambitang sakit ro banwa it Kalibo ag kabilugan nga an-om nga kaso sa bilog nga probinsya it Aklan.
