KALIBO, Aklan — Kapin sa 95 line personnel halin sa nagkaeain-eain nga electric cooperatives sa Western Visayas ro nag-abot sa Isla it Boracay agud mapadasig ro rehabilitasyon it mga linya ag poste it kuryente sa uman nga pagbukas kara sa mga turista sa Oktubre 26 .
Sa interview it Bombo Radyo, ginpahayag ni Assistant General Manager for Engineering Engr. Joel Martinez it Aklan Electric Cooperative (Akelco) ro mga miyembro it Task Force Kapatid hay ginpadaea it National Electrification Administration (NEA) sa Boracay para sa “bayanihan”.
Kaibahan it mga raya ro an-om nga utility vehicle ag ap-at nga heavy line truck.
Nasayuran nga ginpaidaeom sa state of calamity ro isla tuga ko epekto it temporaryong pagpasarado kara ni Pangueong Rodrigo Duterte agud taw-an it daean ro paglimpyo ag rehabilitasyon.
Ginpahayag ni Engr. Martinez nga masobra sa katunga it 800 poste sa isla ro apektado it ginapatigayong road widening project.
Ginaeaumang matapos ro andang trabaho sa Oktubre 20, 2018.
