Nagkriar it Task Force Ligtas Kalye ro lokal nga gobyerno pinaagi sa ginpaguwa nga Executive Order No. 068 ni Kalibo mayor Juris Sucro.
Suno kay sangguniang bayan member Ronald Marte, tuyo kara nga mahimos ro mga badjao nga nagapakalimos sa mga kalye sa banwa it Kalibo kamana man ro mga indibidwal nga may deperensya sa paino-ino.
Ginpahayag dugang nga ro task force ro magahueag sa pag-profiling sa mga badjao nga mataeopangdan nga nagkalhit sa maskin siin nga kalye sa banwa ag pilitaryo pa ro iba sa mga sumaeakay it saeakyan partikular kon nakapondo sa traffic light.
Sa oras suno kana nga masayran ro importanteng datos it mga badjao hay gilayon sanda nga pagapaulion sa andang ginhalinan.
Uwa suno kana naila ro LGU nga may mga makarundaya nga nagakalhit sa banwa eabi eon makaron nga tyempo it paskwa ag paaeabuton pa ro face to face celebration it Ati-Atihan festival nga ginaeaumang dayuhon it maabong tawo maghalin sa mga kaeapit nga probinsya.
