KALIBO, Aklan—Pagabuligan it natungdan nga ahensiya it gobyerno ro mga Badjao agud nga indi eon mag disturbo sa mga pumueuyu partikular ro pagpakalimos sa mga karsadahon.
Suno kay Punong Barangay Neil Candelario it Poblacion, Kalibo nga uman nga magahueag ro ginbilog nga task force agud na ma-rescue ro mga Badjao nga halin sa Mindanao.
Raya hay matapos nga mataeupangdan ro andang presensiya sa banwa it Kalibo.
Ro task force hay ginaeakipan it lokal nga gobyerno it Kalibo, Kalibo Municipal Police Station, barangay council ag Municipal Social Welfare and Development Office ukon MSWDO.
Ginpahayag ni kapitan Candelario nga uman sanda nga magapueong agud nga maplanuhan ro mga tikang nga pagahimuon sa nasambit nga mga Indigenous People.
Dati sigon hay nag-aeamutan sanda agud nga makatipon it andang pamasahe nga maka uli sa andang lugar, apang uman nga nagabalik kon may mga okasyon bangud sa owa it makaon tuga it kawad-an it pangabuhian.
Sa pihak nga parte, nakataeana man sigon nanda nga paga istoryahon ro mga tag-ana it baeay nga gina-istaran it mga Badjao partikular sa oyo torong St. Kalibo.
Padayun man suno kana ro pagpatrolya it andang barangay peackeeping action team agud nga ma-monitor ro andang mga aktibidad.
