KALIBO, Aklan—Haeos indi makapati ag sa state of shock gihapon ro pamilya ag mga amigo it 24-anyos nga branch manager it sangka pawnshop nga nasapwan nga owa eon it kabuhi sa sueod it anang ginatrabahuhan sa Mabini St. Kalibo.
Suno kay Niña Rowena Sarceno, kababata ag boardmate it biktimang si Bonna Herchia Ambay nga ka-text pa nana raya kahapon bandang alas-5:20 it hapon.
Kada domingo suno kana ro day-off it anang amiga, apang nag-reliever raya sa anang katrabaho.
Sa pihak nga parte, naging emosyunal ag haeos nalipong ro ama it biktima sa pag-abot nana sa crime scene halin sa andang lugar sa Nauring, Pandan, Antique bangud nga indi kara mabaton ro gindangatan it anang kamanghuran nga unga.
Sabado nga adlaw sigon hay naka-istorya pa nana ro anang unga matapos nga mag duty sa Pandan.
Angot kara , apela it pamilya ro madasig nga imbestigasyon agud nga mataw-an it hustisya ro anang pagkamatay.
