Magapatigayon it tatlong adlaw nga fire safety convention ro Bureau of Fire Protection umpisa makaron nga adlaw it Miyerkules Hulyo 13 hasta it 15 nga pagahiwaton sa isla it Boracay.
Suno kay acting provincial director Fire Chief Inspector Rowel Limjuco it BFP Aklan, ro nasambit nga event hay pagatambungan it mga regional directors maghalin sa nagkaeain-eain nga rehiyon sa Pilipinas.
Magiging dinapit nga bisita si Undersecretary Serafin Barretto Jr. it peace and order and public safety it Department of the Interior and Local Government ukon DILG.
Highlight sa nasambit nga aktibidad suno kay Limjuco hay ro pag-upgrade ag pagshare sa bag-ong enforcement law and innovation pag-abot sa fire fighting and inspection kamana man ro naging laye nga pagmodernize sa ahensya nga gin-aprubahan ni dating Pangueong Rodrigo Duterte.
Kadungan kara, may aktibidad man nga igapatigayon para sa pagpasanyog sa fire fighting capabilities it Boracay fire sub-station bangud sa mga maeagkuang sunog nga nag-eontad sa nasambit nga isla.
