Tatlong dugang nga barangay sa banwa it kalibo ro kan-o eamang hay gindeklara nga hilway eon halin sa illegal drugs.
Raya ro ginpahayag ni P/Lt. Col. Richard Mepania , hepe it kalibo police station .
Suno kana nga gintumod nga drug cleared barangays it regional oversight committee ro Brgy. Bakhaw Sur, New ag Old Buswang .
Raya hay nagakahueugan suno kana nga owa eon it na-monitor nga drug personalities sa nasambit nga mga lugar ag owa it nagahueat nga iligal nga droga .
Sa banwa it Kalibo, ro iba pang mga natumod nga drug-free barangays hay ro Linabuan Norte, Nalook, Mabilo, Briones, Mobo, ag Caano.
Ro mga barangay pa sigon it Poblacion , Pook, Tigayon , Estancia ag Andagao hay gina-asikaso pa ro mga kinahangeanon nga requirements partikular sa andang mga drug surrenderees.
Sa pihak kara, ginpahayag ni Mepania nga nagapadayun ro andang monitoring sa nasambit nga mga barangay.
Engkaso nga may nataeupangdan nga uman nga pagsueod it drug personalities hay pagataw-an ro barangay it 30 diyas agud nga maresolba ro nasambit nga problema bangud nga kon indi hay pwedeng mabawi ro sertipikasyon ag posibleng makasuhan ro mga opisyal nga nagpabaya.
