KALIBO, Aklan—Aminado ro pamunuan it tatlong eskwelahan sa banwa it Banga nga paga-obrahon nga billeting quarters it Negros Occidental nga indi malikawan nga makabatyag it pressure.
Raya hay bangud sa kagustuhan it nasambit nga probinsiya nga mapabilin ro andang titulo nga tatlong beses nga ginabuytan nga “best billeting area” ag “best delegation” sa Western Visayas Regional Athletic Association ukon WVRAA meet.
Suno kay Judith Obreque, principal 1 it Bacan National High School nga haeos daywang domingo eon ro andang pagpintura ag paglimpyo sa andang eskwelahan kaibahan ro pilang empleyado it provincial government sa pag-ayos it mga iwag ag shower room, water pump ag iba pang pasilidad.
Mag-eowas sa nasambit nga eskwelahan kaibahan man nga pagagamiton nga billeting quarters it Negros Occidental hay ro Banga Elementary School ag Bacan Elementary School bangud nga sanda ro may pinakamaabu nga delegasyon.
Nasayuran nga hin-aga nga adlaw hay maga abot eon ro advance party it team Negros Occidental.
Ro kada contingent hay obligado nga mag observe it clean and green policy it WVRAA.
Sa idaeum it polisiya, ro organizers hay magatau it ap-at nga awards nga best billeting, best in discipline, most-organized, ag ro cleanest and greenest.
