Tatlong foreign fighters nga ginapatihan nga “mercenaries” it Ukraine nga nadakpan sa Russia, nagapangatubang sa death penalty

Daywang British national ag sangka Moroccan nga buyot it pro-Russian, self-proclaimed Donetsk People’s Republic (DPR) ro nagapahaum it andang mga apela sa death penalty.

Ro mga British national nga sanday Sean Pinner ag Aiden Aslin ag Moroccan national nga si Brahim Saadoune hay ginsentensyahan it kamatayon ko unang dominggo it Hunyo matapos nga akusahan it pagiging “mercenaries” para sa Ukraine.

Ginpahayag it mga awtoridad it DPR nga ro tatlong eaeaki hay mga foreign fighters nga nadakpan it Russian forces sa siyudad it Mariupol ko Abril.

Ginpahayag man it abogado ni nga Pinner ro anang team hay nagapahaum it mga dokumento para magdihon it apela ag ginpahayag man kara nga kung imaw hay pagabalibaran, magadihon sanda it petition for clemency.