KALIBO, Aklan—Gin-aresto it pulisya ro tatlo ka mga indibidwal matapos nga madakpan sa illegal nga sugae pinaagi sa pagpaaway it damang sa Brgy. Alimbo Baybay, Nabas bandang alas-3:00 it hapon.
Base sa report, naaktuhan sanday Jerick Sarol, 32-anyos it Brgy. Aquino, Ibajay; Reniel Gilongos, 25-anyos ag Eduardo Bilwan, 20-anyos ag parehong residente it nasambit nga lugar nga nagapaaway it damang kon sa siin ro andang pusta hay nagabalor sa P4,450 pesos.
Makapilang beses eon sigon sanda nga ginwarningan it pulisya apang pauman-uman ro mga raya nga naga-imbolbar sa illegal nga sugae.
Ro tatlo hay presenteng nakahunong sa locked up cell it Nabas Police Station ag posibleng magapangatubang sa kasong pag-eabag sa Presidential decree 1602 ukon Illegal Gambling.
