Arestado ro tatlong ka indibidwal sa Purok 1, Brgy. Poblacion Ibajay bandang alas-3 it hapon ku adlaw it Dominggo, Hunyo 14, matapos nga maaktuhan nga nagahampang it tong-its nga may taya.
Suno kay PMaj. Rajiv Salbino, chief operating officer it Ibajay MPS, nakabaton sanda it tip sa sangka indibidwal nga may natatabo nga illegal gambling sa nasambitan nga lugar.
Insigida man nanda raya nga ginrespondehan ag dakop sa akto ro daywang ka babaye nga naga-edad sa 56-anyos ag sangka 54-anyos nga eaeaki nga nagahampang it tong-its nga may imbolbado nga kwarta.
Nabuoe sa operasyon ro sangka set it playing cards ag betting money sa lamesa.
Magapangatubang ro mga imbolbado sa kasong pageabag sa RP 9287 angot it Presidential Decree No. 1602 ukon ro Anti Illegal Gambling Law.
