Kalibo Aklan ——-Parehong ginbitbit it mga katapo it Numancia PNP ro tatlong ka mga indibidwal matapos nga magsaeakitan sa Brgy. Pusiw, Numancia.
Ro tatlong mga persona hay nakilaea kanday Johnny Fernandez, 61-anyos; Roland Gabriel, 27-anyos ag Alex Fernandez, 43-anyos parehong mga residente it nasambitang lugar.
Base sa imbestigasyon it pulisya, naunang nagpankit ro senior citizen nga si Johnny kanday Roland ag Alex kasunod it pagsilinangag it mga raya samtang naga-agi sa anang panimaeay.
Una sigon sa idaeom it makahieilong nga ilimnon ro daywa kat mag-agi sa baeay ni Johnny.
Bangud sa pagka-impito kara hay gilayon nana nga eampusan gamit ro steel bar si Roland.
Nagbaeos man raya kaibahan si Alex pinaagi sa paghaboy it mga bato sa panimaeay ni Johnny.
Bangud sa andang ginkri-ar nga kinagamo sa lugar hay gin-aresto sanda it mga otoridad apang antes ginkulong hay gindaea anay ro tatlo sa Aklan Provicial Hospital para ipaidaeom sa medical examination.
