KALIBO, Aklan—Bulto-bultong sachet it illegal nga droga ro padayon nga ginamarkahan makaron kasunod it ginkasa nga drug buybust operation it gintingob nga pwersa it Philippine Drug Enforcement Agency ukon PDEA ag Lezo Municipal Police Station sa tatlong ka mga suspek sa Brgy. Biga-a sa banwa it Lezo.
Ginkilaea ro magmanghod nga suspek nga sanday Clark, 33-anyos ag Carl Tolentino, 26-anyos ag sambilog pang baye nga si Lorelyn Tolentino, parehong residente it nasambit nga lugar apang presenteng nagatrabaho sa isla it Boracay.
Nabueo sa posisyon ag kontrol ni Carl ro 14 ka sachet it suspected shabu; daywa kay Clark ag sangka sachet kay Lorelyn kabaylo it buybust money nga kapin sa P13,000 pesos.
Mag-eowas kara, may mga drug paraphernalia pang nabuoe sa mga suspect sa pag-usisa it mga kapulisan sa anda nga ginadayunan nga baeay.
Ginapahayag nga posibleng ro andang mga parokyano hay maeagkuan nga tawo.
Ro tatlo hay nakataeana hay nga magapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002.
