KALIBO, Aklan—Kapin sa tatlo ka mga indibidwal ro ginturn-over it Kalibo PNP sa natungdan kara nga barangay officials agud nga imponeran it sanction bangud sa pag-eabag it mga raya sa ginapatuman nga curfew sa banwa it Kalibo.
Ro nasambit nga mga indibidwal hay nadakpan it pulisya sa nagapadayon nga oplan sita sandig sa ginapatuman nga curfew ordinance kamana man agud nga matapna ro pagkalhit it deadly virus nga covid-19.
Sa pihak kara, padayon gihapon ro pagpadumdom it mga health authorities nga sundon ro ginapatuman nga minimum health protocols agud nga malikawan ro pagkalhit it pandemya.
Nasayuran nga nagsaka eon sa kabilugang 465 ro nailistang kaso it coronavirus disease ukon Covid-19 sa bilog nga probinsya it Aklan base sa ginpaguwang datos it Provincial Epidemiology Surveillance Unit it Aklan Provincial Health Office.
Samtang, ro total deaths hay nagaabot sa 16 ag kapin sa 372 eon man ro nakarecover sa sakit bangud sa pagbueong.
Sa makaron, 77 pa ro padayon nga nagapamayad nga ginakaeakipan it 72 nga una sa facility quarantine ag 5 ro naka-admit makaron sa Aklan provincial hospital para sa close monitoring.
