-- ADVERTISEMENT --
KALIBO, Aklan—Nagahimas it maeamig nga rehas sa Balete Police Station ro tatlong ka mga kaeaeakin-an matapos madakpan it mga otoridad nga iligal nga nagapatigayun it pagsugae sa Sitio Suwaragan, Brgy. Calizo, Balete.
Ginkilaea ro mga suspek kanday Romualdo Gregorio, 45-anyos, sangka driver; Tomy Paraginog, 56-anyos, sangka barangay tanod ag Remolos Garmino, 56-anyos, parehong mga residente it nasambitang lugar.
Base sa imbestigasyon it Balete PNP, naaktuhan ro mga suspek nga iligal nga nagahampang it baraha ukon “tong its”.
Na-recover sa lugar ro sangka set it playing cards ukon baraha ag kapin sa 131 pesos nga kwarta.
Ro mga suspek hay posibleng magpangatubang it kaso matapos nga mag-eabag sa Presidential Decree (PD) 1602.
-- ADVERTISEMENT --
