Kalibo Aklan ——–Kapin sa tatlo ka mga persona ro gin-aresto it Malay PNP matapos nga maaktuhan nga iligal nga nagapatigayun it pagsugae sa bahin it Brgy. Caticlan, Malay.
Ginkilaea ro mga suspek kanday Jordan Alcaraz, 37-anyos, residente it Brgy. Tigayon, Kalibo; Rico Villadarez, 59-anyos, Hamlet Tilar, 49-anyos ag Jessie Pelaro Jr., 39-anyos parehong residente it Brgy. Pudiot, Tangalan ag nagatrabaho sa nasambitang lugar.
Base sa imbestigasyon it pulisya, nagsaeampitan sigon ro tatlo nga magsugae pagka-out nanda sa trabaho.
Kung sa siin naaktuhan mismo it mga otoridad nga nagahampang ro mga raya it “tong its” gamit ro mga baraha.
Narekober sa lugar ro mga playing cards ukon baraha ag kwarta nga ginakaeakipan it pilang mga coins ag kwartang papel.
Sa makarun hay nakakulong eon sa Malay Municipal Police Station ro mga suspek ag posibleng magpangatung sa kasong pag-eabag sa Presidential Decree 1602 ukon Illegal gambling.
