Kalibo Aklan ——Presenteng nagahimas it maeamig nga rehas sa Boracay Police Station ro tatlong mga kaeaeakin-an matapos nga nadakpan nga nagapabueo-bueo it manok sa Sitio Lugutan, Brgy. Manoc-manoc sa Isla it Boracay.
Base sa report, nakilaea ro mga suspek nga sanday Jerry Alarcon Jr., 44-anyos, tumandok it Calabanga, Camarines Sur; Ariel Villamor, 35-anyos, tumandok it Brgy. Layog, Tabango, Leyte ag Nicolas Espina, 49-anyos, tumandok it Gubat Sur, Sorsogon, apang parehong presenteng naga-istar sa isla it Boracay.
Narecover sa lugar ro daywa ka manok nga pang bueang, daywang gaffs, nylon ag electrical tape kamana ro kwartang nagabalor it 1,000 pesos.
Ro mga nasambitang persona hay magapangatubang it kasong pag-eabag sa Presidential Decree 449 ukon Illegal Cockfighting.
