KALIBO, Aklan—Arestado ag posibleng magapangatubang it nagakaigo nga kaso ro tatlong ka mga persona matapos madakpan sa ginpatigayon nga checkpoint it Makato Police Station.
Ro mga suspek nga naghimo it motornapping hay ginkilaea kanday Francis Costudio, 20 anyos ag residente it Brgy. Tugas Makato ; Jonard otabio, 45 anyos ag Alvin Qiano, 20 anyos ag parehong residente it Brgy. Badio numancia.
Samtang ro tag-iya it motorsiklo hay ginkilaea man kay Pedrito toreras 29 anyos ag residente it brgy. tugas makato.
Nasayuran nga ko nagtaliwan nga oktobre 28 hay nagreport sa makato pnp ro tag-iya it motor nga Rusi 125 matapos rayang maduea samtang naka-park sa guwa it andang baeay sa binit it mismong karsada.
Sa makarun hay padayun pang gina-imbestigahan it makato pnp ro nasambitan nga insidente.
