KALIBO, Aklan – – – Pirmado eon ni Pangueong Rodrigo Duterte ro Proclamation No. 475 nga ipaidaeum sa state of calamity ro tatlong barangay it isla it Boracay.
Raya ro gin kumpirma ni Sec. Eduardo Ano sa gin patigayung press briefing kaina sa isla.
Gin pahayag ni Ano nga makamapayad raya bangud magamit eon ro pondo it gobyerno.
Gin pahayag dugang pa kara nga ro inisyal pa eamang nga gin taeana hay 2 billion pesos.
Gin pasiguro man nanda nga mataw-an it bulig ro tanan nga mga apektadong grupo it mga trabahador.
Suno pa sa sekretaryo nga gina eauman nanda nga maibalik sa dating anyo ro isla ng Boracay sa sueod it maximum of six months nga pagpasara kara.
Kueang sigon ro an-um nga buean apang, paga tinguhaan agud maibalik raya sa dati.
Sa pihak nga parte, maga pabilin man sa andang mga gina estaran ro mga residente nga nahamtang sa wetlands samtang nga owa pa it makitang relocation para kanda.
