KALIBO, Aklan–Sa kauna-unahan nga kahigayunan sa nagtaliwan nga 92-anyos sa kasaysayan it FIFA world cup, nakasueod ro tatlong teams halin sa Asya nga ginaeakipan it Australia, Japan ag South Korea sa round of 16 ukon knockout stages sa nagapadayon nga pahampang sa Qatar.
Suno kay Jaimer Dela Cruz, sangka football analysts ag commentator nga raya hay nagakahueugan nga nagpakita it makasaysayan nga performances sa final round it group stage ro tatlong nasyon halin sa asia football confederation.
Bangud sa dedikasyon ag fighting spirit, ginpierde suno kana it Australia ro Denmark ag pagkatapos hay ginpierde man it japan ro spain sa andang grupo ag nagpangibabaw ro South Korea kontra sa Portugal kaina it aga-aga.
Raya hay mag-eowas pa sa sorpresang pagdaog it Saudi Arabia kontra Argentina, kamana man ro pagpangibabaw it Iran sa Wales ag ro pagpierde it Japan sa Germany.
Samtang, maabu man nga mga football fans ro na-shock matapos nga natagak ro napueong bigatin nga mga teams nga may mga superstar players nga napas-eawan nga makasueod sa knockout stages kapareho it Belgium nga una sa world no. 2.
Samtang, ginatutukan man makaron ro hampang it argentina bangud nga posibleng pagkatapos it world cup hay magaretiro eon ro star player nga si Leonil Messi.
Base sa anang prediction, ro ap-at nga teams nga may chansa nga makasueod sa semis hay ro Argentina, Brazil, Japan ag France ag ro top 2 sa finals hay ro Japan vs Argetina ukon France vs Argentina.
