National News——–Gin-ako it Department of Education (DepEd) nga indi pa sa gihapon magiging exempted sa buhis ro honoraria ag allowance it mga manugturo nga magserbi para sa paeaabuton nga eleksyon.
Raya hay matapos pasugtan ro hingyo it taeatapan nga pasakaan ro honoraria ag allowance nga andang mabatun.
Suno kay Education Secretary Leonor Briones, nag-apela eun ro andang taeatapan nga duea-on ro 20% nga buwis sa election service honoraria agud bilog raya nga mabatun it mga manugturo.
Apang, sa pagpaaathag ni DepEd Undersecretary Alain Pascua owa sigon nahimo nga amyendahan it mga mamalidha ro mga probisyon sa pihak it andang naging panawagan nga himuong tax-free ro mabatun nga allowance it mga manguturo nga magaserbi sa eleksyon, maskin nga suportado pa raya it Comelec.
Nakabaehag sa Internal Revenue Code it nasyon nga ro tanan nga kita hay dapat nga may buhis ag ro mismong Department of Finance (DOF) ro dapat nga nagarekomenda kara.
