Gin engganyo it senado ro mga taxpayers nga mag-file it andang income tax returns sa mas madali nga tiempo ukon antes ro deadline sa Abril 17.
Ginpahayag ni Senator Sherwin Gatchalian, nga responsibilidad it mga Pilipino nga magbayad it tamang kantidad it buwis.
Suno kana nga bilang mga responsableng pumueuyu it nasyon, ro mga taxpayers hay may kolektibong obligasyon nga magbayad it tamang kantidad ag sa tamang oras.
Ro mga kita nga matipon it gobyerno hay nagatau it daean sa pagpatuman it nagkaeain-eain nga mga programa ag proyekto nga kinahangeanon agud nga isueong ro pag-umwad it ekonomiya.
Ginpahayag dugang nga nagtaeana ro Bureau of Internal Revenue (BIR) it revenue collection target nga ₱2.5 trillion para sa 2023 kumpara sa actual tax haul ko nagtaliwan nga dag-on nga ₱2.3 trillion.
