Ginpaabot ni President Ferdinand R. Marcos Jr. Ro anang mainit nga pagtamyaw sa makasaysayan nga kadaeag-an sa ASEAN Football Federation (AFF) Women’s Football Championship it team Filipinas.
Ro mga miyembro ag opisyales it Philippine Women’s National Football Team hay nag courtesy call sa Pangueo sa President’s Hall sa Malacañan Palace kahapon, adlaw it Miyerkules.
Ginpabutyag it Pangueo ro pagpasaeamat sa football team sa pagtao it mabahoe nga bugae ag dungog sa nasyon partikular sa patag it hinampang.
Gintamyaw man kara ro mga efforts ag sakripisyo nga ginbuhos it grupo sa mga hugot nga ensayo rason nga hasikyar ro pagiging kampeonato.
Samtang madumduman nga ro Football Team nga mas kilaea sa tawag nga Filipinas, hay hasikyar ro kauna-unahan nga AFF Women’s Football Championship title it Nasyon sa score nga 3-0 kontra Thailand ku nagtaliwan nga Dominggo, Hulyo 17 sa Rizal Memorial Stadium.
