SPORTS News —- Naangkon it Pilipinas ro ika-34 kara nga gold medal sa 31st South East Asian (SEA) Games sa Hanoi, Vietnam.
Raya hay matapos nga madepensehan ni Filipino Olympian Kurt Barbosa ro anang titulo sa Taekwondo.
Daog si Barbosa sa 54 kilogram division kontra Panachai Jaijulla it Thailand sa score nga 17-6.
Madumduman nga nabo-oe it Pinoy jin ro nasambit nga weight division ko 2019 SEA Games sa Pilipinas antes nga sumabak sa Tokyo Olympics ko 2021.
Bangud sa madinaeag-on nga title defense ni Barbosa, pangatlo eon ro Pilipinas sa medal tally nga may una nga 127 medals, kaibahan ro 40 silver ag 53 bronze.
Nagapanguna sa gihapon ro host nation Vietnam nga may 234 medals ukon 105 gold, 65 silver ag 64 bronze samtang nagapangaywa ro Thailand, 155 medals ukon 43 gold, 47 silver ag 65 bronze medal.
