Kalibo Aklan ——Uman nga ginbuhi sa Senado ro teenage pregnancy prevention bill.
Suno kay Senador Risa Hontiveros nga una eon sa ikaywang pagbasa sa Senado ro proposisyon nga “teenage pregnancy prevention bill”.
Suno sa Senador nga haum imaw nga magbaton it amendments sa anang ginaduso nga hagna agud nga mapadasig ro pagpasa kara .
Tuyo sigon kara nga mataw-an it atensyon ro nagatinaas nga numero it mga batang ina sa bilog nga nasyon base sa report it Commission on Population and Development.
Kamana man nga mataw-an sanda it kinahangeanon nga pag-intindi, edukasyon ag bulig medikal.
Maka-alarma suno kana ro padayun nga pagtaas it numero it teenage pregnancies sa nagtaliwan nga dekada, kun sa siin makabig eon raya nga teen-pregnancy crisis.
Gindugang pa it Senador nga naipasa eon nana ro teenage pregnancy prevention bill ko 17th congress apang owa naka-eagas ro andang counterpart sa manabang kapueungan.
Base sa report, kada domingo hay 40 nga mga pamatan-on nga babaye ro naga-unga sa edad nga 14 anyos panaba.
