BALITANG Espesyal — Sangka teenager sa Michigan, U.S.A. ro nakalista it world record bangud sa sobra kabahoe nga alima ag siki.
Ginkumpirma it records keeping organization nga Guinness World Records nga ro 16-anyos nga si Eric Kilburn Jr. ro pinakabag-ong record holder it titulong, “Largest Feet on a Living Teenager” bangud sa anang siki nga may sukat nga 13.5 inches.
Ro shoe size ni Eric hay size 23, masyadong mabahoe kumpara sa ordinaryong shoe size nga 8.5 hasta 9.
Mag-eowas sa nasambit nga Guinness title, nakabaton man si Eric it titulong “Largest Hands on a Teenager” bangud sa sukat it anang alima nga 9.13 inches.
Bangud sa bukon it ordinaryong kabahoe it anang alima ag siki, kinahangean it teen ager nga magpa-obra it sapatos nga medyu mahae ro presyo.
Kon tiempo it tag-eamig, kinahangean man nana nga magpa-customize it winter gloves.
Matapos ma-feature sa TV ag mga news program si Eric, nagpaeapit kana ro sangka kilaeang sportswear brand nga Puma ag Under Armour ag nag-tanyag ro mga raya nga iga-sponsor ro anang mga sapatos.
