Sangka 42 anyos nga misis sa Michigan ro gin-aresto matapos mabisto nga imaw ro cyberbully nga nagapadaea it mga masakit nga tinaga gamit ro social media sa kaugalingon nana nga unga nga menor de edad!
Suno sa press statement nga ginpaguwa it Isabella County Prosecutor’s office, nag-umpisa ro cyberbullying ni Kendra Gail Licari sa anang teenager nga unga ag boyfriend kara ko Pebrero 2021.
Agud nga hilway nana nga ma-harass online ro kaugalingon nga unga ag boyfriend kara, nagagamit si Licari it dummy accounts sa social media ag nakakonekta imaw sa virtual private network (VPN) para maitago ro anang identity ag location.
Inabot it sang dag-on ro cyberbullying ni Licari hasta nga napuno eon ro anang unga ag napilitan eon nga magsugid sa anang mga manugturo.
Nag-file it complaint ro eskwelahan it teenager nga Beal City School sa local police apang bangud sa VPN nga ginagamit ni Licari, indi ma-trace ro anang identity.
Nabuking ro identity ni Licari matapos nga magpangayo it bulig ro local police sa FBI Cyber Division.
Sa bulig it FBI, na-track ro matuod nga IP address it cyberbully ag na-trace eon ro text messages hay naghalin sa cell phone ni Licari.
Gin-aresto si Licari ko Disyembre 12, 2022 ag nag aku sa krimen apang owa kara gin detalye kon ham-an nga gin-obra nana raya sa anang kaugalingon nga unga.
Sa imbestigasyon it FBI, nadiskubre nga umabot sa 349 nga pahina it mga masakit nga tinaga ag pagpangbash ro ginpadaea ni Licari sa anang unga sa sueod it sang dag-on.
Ginkasuhan si Licari it two counts of stalking a minor, two counts of using a computer to commit a crime, and one count of obstruction of justice.
Kun masentensiyahan it guilty, posibleng makulong si Licari it 15 anyos.
