Amat-amat eon nga naganaba ro init it temperatura sa Macau, China matapos nga nakakaeksperyensya sanda it pagbaylo it tyempo kaparehas it gulpi eon lang magadaeogdog kasunod kara ro pagbaskog it uean.
Suno kay Bombo International Correspondent Emily Delos Santos, maskin nga bukon eon it masyadong mainit ro tyempo sa lugar hay una gihapon ro andang pagdahan bangud sa maalinsangan gihapon ro huyop it hangin nga posibleng magtuga it heat stroke sa mga tawong may hypertension.
Sa makaron suno kana hay ginalimitahan gihapon ro andang outdoor activites.samtang sa pihak nga parte, tatlong German tourist sa Rome, Italy ro gin-aresto ag gin-imponeran it multa nga nagaabot sa 450 Euros ukon kapin sa 25,000 pesos kada isaea bangud sa pagpaligos sa fountain sa nasambit nga lugar tuga it sobrang init.
Suno kay Bombo International Correspondent Girlie Ongoco, posibleng natentar ro mga turista samtang nagawarang ro mga raya bangud nga makit-an ro malimpyo ag malinaw nga tubi sa fountain.
Posible suno kana nga uwa eon nasarangan it mga dumueoong ro kainiton nga nabatyagan bangud nga nagaabot sa 36 degrees celcuis ro init it temperatura sa nasambit nga nasyon.
Angot kara, kaeabanan sa mga tawo hay sa parke ukon sa beach eon lang nagapalipas it oras agud nga mapreskuhan ro andang eawas.
