KALIBO, Aklan—Aprubado eon sa ginpatigayun nga session it Sangguniang Panlalawigan it Aklan ro resolution angot sa pagpaeawig it term of service it mga contact tracers nga gin-hire it Department of the Interior and Local Government (DILG) sa probinsya.
Suno sa kay Sangguniang Panlalawigan member Jay Tejada nga importante ro papel it mga contact tracers sa pagtumod it mga close contact ag pag-isolate it mga nagpositibo sa COVID-19.
Dugang pa kara nga ro mga contact tracers hay makabig man nga dugang nga pwersa para sa mga health personnel agud nga mapunggan ro pagkalhit it infection.
Ro mga gina-hire sigon nga contact tracers hay puro 4 year course graduate kun siin kaeabanan kanda hay criminology graduate.
Prayoridad sigon it ahensya ro mga indigent ukon disadvantaged ag displaced worker.
Nasayuran nga contractual eamang ro paghire sa mga raya ag nagabuhay eamang it pilang buean.
Apang, bangud sa padayun nga pagtinaas it mga kaso it deadly virus sa Aklan rason nga ginkinahang-ean pa nga makaangkon it extension sa andang serbisyo.
Nasayuran nga mapaso eon sa unang dominggo it Agosto ro kontrata it pila sa mga miyembro it contact tracer team it Aklan.
