Kalibo Aklan —– Magapadayun ro term-sharing agreement para sa speakership.
Raya ro ginpahayag ni Aklan 2nd District Congressman Teodorico Haresco sa interbyu it Bombo Radyo kalibo.
Suno kana nga haeos majority it House of Representatives hay pabor kay Speaker Alan Peter Cayetano.
Raya hay kasunod it espekulasyon nga may ginahimo nga tikang ro kampo it anang kaengkwenteru nga si Marinduque Rep. Lord Allan Velasco agud nga mapahalin sa pwesto si Cayetano.
Nasayuran nga mismong si Cayetano ro nagbulgar nga naga-promisa it Committee Chairmanships ag Budget Allocations nga naga-abot sa kapin sa 50 billion pesos si Velasco sa pilang mga kaalyado sa kongreso .
Apang pila sa mga kongresista hay bumaliskad ag ginhambae kay Cayetano ro pila sa gin-offer kanda.
Si Cayetano ag Velasco hay may “15-21” nga term-sharing deal ukon matapos ro 15 buean nga pagdumaea ni Cayetaho hay si Velasco ro magabueos sa masunod nga 21 buean.
Gindugang pa ni haresco nga raya man ro kagustuhan ni Pangueong Rodrigo Duterte agud nga owa it gulo.
Sa pihak nga parte, ginbulgar ni Cong. Haresco nga nag-ugat ro ouster plot kay Cayetano matapos nga ginapa-imbestigahan eon it kongreso ro matsa pagbalewala ni Cong. Velasco sa isyu it kautangan it sangka negosyante sa Power Sector Assets & Liabilities Management Corporation (PSALM) nga konektado kana .
Nasayuran nga si Velasco ro Chairman it Energy Committee.
