Bastante eon ro testimonya it daywa ka ahente it National Bureau of Investigation (NBI) agud mapamatud-an ro mga pahayag nga sentro it Article 1 it impeachment kontra kay Vice President Sara Duterte.
Suno kay University of the Philippines College of Mass Communication Professor Danilo Arao, base sa paghusgar it House prosecution, indi eon kinahangean tawagon bilang testigo si Atty. Zuleika Lopez para sa nasmabit nga artikulo nga nagasentro sa alegasyon it “betrayal of public trust” bangud napamatud-an eon it daywa ka NBI agents ro kamatuoran it Zoom press conference ag ro mga pahayag nga ginhimo it bise presidente.
Dugang pa nana, mahimo pa nga ipatawag si Lopez sa masunod nga bahin it impeachment trial, eabi eon sa pagtalakay sa alegasyon nga saea nga paggamit it confidential ag intelligence funds, bangud bilang chief of staff ni Duterte, may mahimo pa raya nga maambag nga ebidensya.
Ginpahayag man ni Arao nga indi eon kinahangean ipatawag ro mga media personnel nga una nga gin-subpoena bangud ginbaton man it depensa ag prosekusyon nga nagtuhaw gid man ro Zoom press conference ag ro mga pahayag nga ginhimo it bise presidente.
May kaangtanan sa posibilidad nga mabawasan ro bilang it senator-judges bangud sa nagapadayon nga mga kaso kontra sa pila ka mga senador, ginhambae ni nana nga posible raya nga makaapekto sa resulta it impeachment trial.
Dugang man nana nga mas madali sa makaron ro acquittal kaysa conviction bangud mas manaba ro numero it boto nga kinahangean para maabswelto ro akusado.Apang, posible gihapon nga magbag-o ro sitwasyon kon may mabaskog nga presyur halin sa publiko.
