KALIBO, Aklan—Haeos nagbalik eon sa normal ro pagpangabuhi it mga pumueoyo sa nasyon it Thailand matapos ro masobra daywang dag-on nga pagpanaeasa it COVID-19 pandemic.
Suno kay Bombo International Correspondent Michael Garulacan nga padayun eon ro pagnaba it mga nailistang kaso it COVID-19 sa Thailand.
Haeos tanan sigon nga mga Overseas Filipino Worker (OFW) hay nakabalik eon sa trabaho.
Sa kamatuoran suno kana hay maabu makaron nga hiring sa mga eskwelahan bangud sa kakueangan it mga manugturo.
May pila sigon nga learning facility nga nagatanyag it mas mataas nga pasweldo agud nga mapun-an ro kakueangan nanda it staff.
Samtang, gina-planuhan eon man sigon it gobyerno it Thailand nga bue-on ro mandatory nga pagsuksok it face mask.
Ginaeauman nga magiging epektibo raya sa maabot nga Hulyo 1.
