Nagapatigayon eon it pagrepaso ro Department of Education (DepEd) sa K-12 program it gobyerno.
Kan-o eamang hay nagguwa sa ginpatigayon nga survey it Pulse Asia nga ginkomisyon ni Sen. Sherwin Gatchalian nga 44 porsiyento it mga Pinoy ro ‘dissatisfied’ ukon owa nalipay sa K-12 program.
Ko una pa eamang hay maabu eon nga mga ginikanan ro nagahandum nga indi raya ipatuman.
Suno sa kaabuan nga mag-eowas nga dugang eamang sa gastos sa pagtuon, naghaba pa ro dag-on it pag-eskwela it mga estudyante.
Mismong ro mga manugturo kat ginpatuman ro programa ro nag aku nga maabu kanda ro bukon it preparado para kara.
Maskin nga may manami nga katuyuan ro programa, apang medyu owa naging epektibo raya sa kalakaran it edukasyon sa nasyon.
Ro ginahambae nga kon makatapos sa Grade 12 ukon senior high ro sangka estudyante hay pwede eon raya nga maka-usoy, apang medyu owa nataw-an it katumanan.
Kon paga-isipon, ro mga nagtapos eon it kolehiyo hay nabudlayan eon nga mag-usoy it masudlan nga trabaho.
Nagtaas ro numero it mga jobless nga Pinoy bangud nga haeos kada dag-on hay nadudugangan ro tambay nga mga college graduate.
Maskin ro mga kompanya, indi magabaton it bukon it college graduate.
Raya ro pila sa mga ginarason kat ginduso ro K-12 program nga magiging benepisyo nga matsa owa man ag owa it nakikitang konkretong katumanan sa tinutuyo kara.
Basta nga ro nabatyagan eamang kara hay dugang nga gastos, dugang nga dag-on it pagtuon rason nga gina-indi-an it maabu nga pinoy.
ason nga mabahoe nga bagay nga marebyu ro nasambit nga programa agud nga masayuran kon ano ro magiging benepisyo kara ukon nakabulig baea sa kalidad it edukasyon.
